بنك النيترون
اول بنك حظ علمي ف مصر
بيتعلم ابنك معلومات كتيره عن أربع مجالات مختلفه ( الطبيعه - الفلك - وظائف الأعضاء -الكيمياء)
مكوناته
معمل + (احكام ايجابيه بشكل علمي )
معمل - ( احكام سلبيه بشكل علمي )
كروت الأرقام ( عباره عن معادلات حسابيه )
النيترونات (الفلوس)
بيتكون من ٣ مستويات :
المستوي الاول
هنفتح اللوحه و هتكون متقسمه ٤ جوانب في كل جانب تخصص علمي وهم الطبيعه و الفلك و الكيمياء و وظائف الاعضاء و كمان هيكون عندنا النيترونات و هنحطهم في المكان المخصص ليها علي اللوحه و كروت معمل + و معمل - و بردو هنحطها في مكنها المخصص ف اللوحه و بالنسبه لكروت المعادلات هنفنطها و نحطها علي ضهرها بحيث تكون مش ظاهره لينًا و كل لاعب هيكون لي زرار هيتحرك بيه علي اللوحه☺
في بدايه اللعب كل لاعب هياخد ٣٠٠ نيترون من البنك
# البداية بتكون من عند الطبيعة
هيبتدى اللاعب الاول يختار كارت بشكل عشوائي من الكروت بتاع المعادلات و يحل المعادلة اللي فيها
ولنفرض ان المعادلة دي 4-2 فهتساوي ٤ إذن دلوقتي هيتحرك اربع صناديق يعنى هينقل بالزرار بتاعه الى الصندوق اللي مكتوب عليه مخروط بركاني ،هيلاقى الصندوق دا موجود فيه عدد من النيترونات 100 نيترون، هيقرأ المصطلح العلمي بصوت عالي ، و يروح ياخد ال 100 نيترون من البنك اللي موجود فيه النيترونات
الاعب التانى كذلك لما يجي دوره هيختار ورقه بطريقه عشوائيه من كروت الارقام وينتقل عدد الصناديق اللي طلعتله
*ف حاله لو الصندوق اللي عليه الدور كان مكتوب عليه معمل + اللاعب بيسحب كارت من معمل + ودي عباره عن احكام ايجابيه وهينفذ الكلام المكتوب عليه
*ف حاله لو الصندوق اللي عليه الدور كان مكتوب عليه معمل- اللاعب بيسحب كارت من معمل- وينفذ الكلام المكتوب عليه
وهكذا تستمر اللعبة وكل لاعب يجى عليه الدور يختار كارت من كروت الارقام وينتقل عدد الصناديق المطلوبة وهكذا ...
اللعبة بقي هتنتهي أمتى
ببساطه في طريقتين
ممكن نخلي اللعبة لوقت معين ، مثلا لمدة ربع ساعه و بمجرد ما تخلص نشوف مين معاه نيترونات اكتر وهو دا اللي هيكسب
ممكن بردو نتفق على عدد لفات معينه و ليكن 3 لفات واللي يخلصههم الاول نشوف مين معاه نيترونات أكتر و دا اللي كسب
دلوقتى الطفل هيلعب في المستوى الاول فترة لحد لما المصطلحات العلمية اللي في اللوحه تكون معتاده عنده
المستوى الثاني
هنلعب زي المستوي الاول لكن الزيادة عليها هي أن لما اللاعب بيوقف ف صندوق وليكن صندوق المخروط البركاني اللي طلعلنا قبل كدا مش هياخد عدد النيترونات الموجودة ف الصندوق الا لما يجيب الكارت المكتوب عليه مخروط بركاني ودا بيكون موجود ضمن كروت المستوى التانى و التالت ويقرأ المعلومة الموجودة فيه بصوت عالي بحيث كل المتسابقين يسمعوه
لو قرأها هياخد النيترونات الموجودة ف الصندوق
ولو امتنع عن قراءتها مش هياخد حاجه بيفضل يلعب المستوى دا فتره لحد لما يتعرف علي كل المعلومات اللي فيها
المستوى الثالث
زي ما اتعلمنا في المستويين الاول و التاني هنلعب لكن الاختلاف بيكون أن اللاعب مش هيجيب الكارت اللي عليه المعلومة ويقرأها، لا دا هيقوله لوحده وهيشرحه للمنافس بتاعه وبعدها يشرح المعلومة من خلال فهمه ليها و بكده هيكون أتعرف علي المعلومات و فهمها و لما يشرحها هتثبت اكتر
لو قال المعلومة بياخد عدد النيترونات الموجودة ف الصندوق ولو ماقالش مش بياخد
المستوى الرابع
يكتفى الطفل ف المستوى دا أنه يتعلم المعلومات الموجودة ف كروت المستوى الرابع
وف أثناء تعلمه ليها ممكن يلعب ف المستويات اللي فاتت عشان يكون في جانب مسلي بالنسبه للطفل
مناسب من 6ل 15 سنه